ბიბლიოთეკიდან:სვანეთის და კახეთის ტურებზე მოთხოვნა იზრდება

ბიბლიოთეკიდან:

gazeTi 24saaTi

  საქართვლოში შიდა ტურიზმის პოტენციალის კვლევა განხორციელდა. მას უდიდესი მნიშვნელობა აქვს ტურისტული ბიზნესის წარმოადგენლებისათვის, რათა სწორად დაგეგმონ ბიზნესი და წარმართონ მaრკეტინგული სტრატეგია. კვლევა ეკონომიკური განვითრების სამინისტროს დაკვეთით განხორციელდა, რომლის თანახნმადაც მოხდა შიდა ტურისტული ბაზრის ტენდენციების შესწავლა. კვლევის შედეგად მოხდა შიდა ტურისტული ბაზრის მონაცემების აღწერა შემდეგი მახასიათებლების მიხედვით: შიდა ტურისტული პროდუქტების მომხმარებლების დემოგრაფიული და სოციალური პროფილi, მოგზაურობის სიხშირე, მიზანი და მიმართულება, დასვენების პოპულარული ტიპები, დასვენების ტიპები და პოპულარული კურორტები, დასვენების განმეორებით ქცევის მიზეზები.

კვლევის შედეგებით გამოკითხულთა 58,7 პროცენტმა გასული წლის განმავლობაში მხოლოდ ერთხელ დაისვენა. ხოლო 25,6 პროცენტმა ორჯერ. qალაქიდან გასვლის ყველაზე გავრცელებული მიზეზი დასვენებაა (53 პროცენტი), შემდეგ დგას მეგობრების და ნათესავების მონახულება (17 პროცენტი), საქმიანი და პროფესიული ვიზიტი (26 პროცენტი) . გამოკითხული რესპოდენტების 25 პროცენტი კი საერთოდ არ გასულა ქალაქიდან.

გამოკითხული რესპოდენტების დასვენების ძირითად ადგილად სოფლად საკუთარი სახლები წარმოადგენს,ნაწილი კი დასვენების ადგილად საქართველოს ზღვისპირეთს ირჩევს. როგორც ყველაზე პოპულარულ და პრესტიჟულ კურორტებს. გამოკითხულთა უმრავლესობა (42 პროცენტი) 2009 წელს იმყოფებოდა აგარაკზე, კერძო სახლში (35 პროცენტი) , ხოლო სასტუმროში დამსვენებელთა მხოლოდ 10 პროცენტი დაბინავდა.

გამოკითხვიდან ჩანს რომ ზამთრის კურორტებზე დასვენება ძირითადად მცირეწლოვან 13-17 წლის რესპოდენტებს იზიდავთ, ხოლო ასაკოვან რესპოდენტებში თითქმის კარგავს რეიტინგს. თუმცა ზამთრის კურორტების ტურებზე მოთხოვნა მზარდია. თუ გასულ წელს გამოკითხული რესპოდენტების მხოლოდ 5 პროცენტმა დაისვენა ზამთრის კურორტებზე, 2010 წელს დასვენებას 9,96 პროცენტი გეგმავს.

ზამთრის კურორტებისგან განსხვავებით, დასვენებას ზღვაზე უფრო მეტი ადამიანი გეგმავს. საქართველოს მასშტაბით მონახულებულ რეგიონებს შორის პირველ ადგილზეა აჭარა(24,3 პროცენტი), გასულ წელს რესპოდენტთა 21,6 პროცენტი ეწვია საზღვაო კურორტებს.

გამოკითხულთა შორის საკმაოდ მაღალია კულტურული ტურებით დაინტერესებულ რესპოდენტთა რიცხვი (22 პროცენტი). aსაკის ზრდასთან ერთად ამ ტურების მიმართ ინტერესი და ყველაზე დიდ ინტერესს 35-64 წლის (35 პროცენტი) რესპოდენტებს შორის აღწევს.

კვლევამ ასევე აჩვენა, რომ მოთხოვნა 1-2 დღიან ტურებზე საქართველოს მასშტაბით საკმაოდ დიდია. განსაკუთრებული დაინტერესება მთიან რეგიონებზეა, რომლის მონახულების სურვილსაც რესპოდენტთა უმეტესობა გამოთქვამს. ველაზე დიდი დაინტერესება საქართველოს მხარეებიდან სვანეთზე მოდის (16 პროცენტი). ასევე გამოთქვამენ სურვისლს რაჭის, ხევსურეთის, ყაზბეგის, თუშეთის, ფსავისა და აჭარის მაღალმთიანი ადგილების დათვალიერებაზე. საქართველოს ბარის კუთხეებიდან, ყველაზე დიდი ინტერესი კახეთის ტურებს აქვს.

საგულისხმოა, რომ ტურისტული ვიზიტების ორგანიზებას ტუროპერატორებს მხოლოდ მოგზაურობის მსურველთა 2 პროცენტი სარგებლობს. კვლევამ აჩვენა, რომ მოსახლეობა მწირ ინფორმაციას ფლობს სხვადასხვა სამოგზაურო ტურის შესახებ.  შეზღუდული ფინანსური რესურსები საგრძნობლად ამცირებს ტუროპერატორებთან მიმართვიანობის მაჩვენებელს. თუმცა გამოკითხულთა 56 პროცენტს აქვს სურვილი ტუროპერატორების დახმარებით გაემგზავროს დასასვენებლად.