სამცხე-ჯავახეთი

სამცხე-ჯავახეთის მხარე – მხარე სამხრეთ საქართველოში, მოიცავს ისტორიულ–გეოგრაფიული პროვინციების სამცხის, ჯავახეთის და თორის ტერიტორიებს.

ღირსშესანიშნაობები

მხარის ტერიტორიაზე მდებარეობს ბუნების, არქიტექტურისა და კულტურის მრავალი ძეგლი, მათ შორის უმნიშვნელოვანესია:

• ვარძიის სამონასტრო კომპლექსი
• თმოგვის ციხე
• ხერთვისის ციხე
• ზარზმის მონასტერი
• საფარის მონასტერი

 ბორჯომი, ძირითადად წარმ ოდგენილია კურორტების სახით – აქაა როგორც სამკურნალო, ასევე ზამთრის ცნობილი კურორტები.

მინერალური წყალი ბორჯომი XIX ს-ის 40-იან წლებიდან სამკურნალოდ გამოიყენება. აქ სამკურნალო ფაქტორად სასარგებლო კლიმატიც მოქმედებს.

ბორჯომიდან სამხრეთ-აღმოსავლეთით განლაგებულია კლიმატურ-ბალენეოლოგიური კურორტების ჯაჭვი – დაბა, წაღვერი, ცემი, ტბა, ლიბანი, ლიკანი, ბაკურიანი, ციხისჯვარი, ჩითახევი. ბორჯომის რაიონი წარმოდგენილია საერთაშორისო მნიშვნელობის ზამთრის კურორტით – ბაკურიანით. კურორტი მდებარეობს ზღ. დ. 1700 მ-ზე. მისი ჰავა და რელიეფი ზამთრის სპორტის განვითარების იდეალურ პირობებს ქმნის. 

ბაკურიანი, ზამთარში "სპორტული დედაქალაქი" ხდება, ჩამოსულებს დააინტერესებს სამთო - სათხილამურო ტრასები, საბაგირო გზები, სპორტული და სამკურნალო გამაჯანსაღებელი ბაზები.

 ბორჯომის რაიონი გამორჩეულია თავისი ბუნებით. ამასთანავე აქ არანაკლებ მნიშვნელოვანი კულტურის ძეგლებია. ბორჯომის ხეობაში 200-ზე მეტი ისტორიული ძეგლია აღრიცხული. მათ შორის განსაკუთრებით საინტერესოა ტაძრისის, ნეძვის, კვირიკეთის, ტიმოთესუბნის, ქვაბისხევის, ლიკანის, ჩითახევის ("მწვანე") მონასტრები, აგრეთვე სლესის, პეტრეს, გოგიას, ახალდაბის ციხეები, თორის პლატოს ნასოფლარები და სხვ. .

საუკეთესო ადგილებია ჯიპ ტურებისათვის.
http://car-rent.ge/ka/saqartvelos-shesaxeb/samtskhe-javakheti-borjomi-akhaltsikhe-akhalkalaki.html